مسقعة يوناني

موضوع: مسقعة يوناني الإثنين ديسمبر 21, 2009 5:18 pm

مسقعة يوناني

الاكلة دي شفتها في التلفزيون في شهر رمضان اللي فات في برنامج كان اسمه سفرة دايمة ... و جربتها اكتر من مرة ... ولقيتها جميلة ...
بس الشيف (شيف طارق ، على ما اتذكر) اللي قدمها ماقالش ان كانت طبق رئيسي ولا طبق جانبي ... بس انا عموما بقدمها كطبق جانبي خصوصا لما يكون عندي ضيوف ع الغدا ...

مكونات المسقعة اليوناني

- لحمه مفرومه معصجة (الطريقة مشروحة تحت)
-
بتنجانه واحدة كبيرة و مكورة (متقطعه شرايح رقيقة زي طرنشات اللنشون علشان
ينفع يتلف فيها اللحمة المفرومة المعصجة ، و بعد تقطيعها تتحط في فرن
البوتاجاز شويه لغاية ما تبأه لينه ، و مفيش مانع نرش عليها ذرة ملح ناعم
قبل منحطها في الفرن ، و كمان انا بشيل طبقة القشر السودا بعد ما اقطعها
طرنشات)
- صلصة طماطم
- طمطمتين مقطعين مكعبات صغيرة
- خلطة بشاميل (من السوبر ماركت ، بس نجهزها في البيت طبعا)
- جبنة بارميزان (او اي جبنة ممكن تسيح من الحرارة ، يعني ممكن جبنة مثلثات)

مكونات اللحمة المفرومة المعصجة

- لحمة مفرومة
- بصل مفروم
- 5 فصوص توم مهروسين
- طماطم مقطعة قطع صغيرة
- زيت
- ملح
- فلفل اسمر

تجهيز اللحمة المفرومة المعصجة

- نضع الزيت على النار و نتركه حتى يسخن.
- نضيف البصل المفروم و التوم.
- نضيف الطماطم.
- نضيف اللحمة المفرومة.
- نضيف الملح و الفلفل الاسمر.
- نقلب كله ف بعضه.
- نسيب الخلطة دي ع النار لغاية اللحمة ما تستوي ، و نقلبها بالمعلقة كل شوية.
- بعد كده نطفي النار ، و تبأه اللحمة المعصجة كده جهزت.

طريقة اعداد المسقعة اليوناني

- نجيب صينية مستطيلة و نفرشها بطبقة من صلصة الطماطم.
- نرص على طبقة الصلصة نص كمية مكعبات طماطم.
- نجيب شريحة بتنجان و نحط فيها شوية لحمة مفرومة معصجة و بعدين نبرمها زي السندوتش.
- نحط السندوتش ده في الصينية بالعرض ، و نكمل باقي الشرايح بنفس الطريقة و نرص أول بأول لغاية ما نخلص الشرايح كلها.
- نفرد طبفة بشاميل على لفائف البتنجان حتى نغطيها تماما.
- ثم نضع طبقة من مكعبات الطماطم (الشوية اللي فضلين)
- نضيف طبقة جبنة.
- نحط الصينية في الفرن و نسيبها لغاية ما تحمر و البتنجان يستوي.
- بعد كده ممكن نطلع لفائف البتنجان و نحطها في اطباق للتقديم.

طبعا الصور دي بالموبايل ... بس معقوله ...